छत्तीसगढ़ के दुन्नो राजनीतिक पार्टी मन के बीच बनेच बातिक बाता देखेला मिलिस। (Chhattisgarhi election article) चुनावी रैली म दुन्नो पार्टी ह एक दुसर ल खड़े खड़े झर्राए के कोनो मौका नि छोड़िस कोनो नेता के बारा के सारा गोठ चलिस त कोनो नेता हर देख बंदरिया हनुमत होए सरी के घलो घोठ्याईस अऊ मजा तो तब अइस जब कई नेता अपनेच दल बर भीतरघात करीस।
भाजपा विपक्ष में रीहिस तेकरे सेती कोसिस करिस जतका हो सके कांग्रेस के कमी ला उघारे जाए। मोदी सरकार घलो साथ साथ कांग्रेस बर भिड़े रिहिस ED अऊ IT के छापा मार मार के कांग्रेस ल हलाकान कर दिस। बीजेपी नेता मन प्रचार करे त कांग्रेसी मन ED के डर म रहे। (Chhattisgarhi election article)
भाजपा नेता मन हर मंच ले इही आरोप लगाए कि कांग्रेसी मन पांच साल में गरीब जनता के चेथी के मास खा डरिस। छत्तीसगढ़ में कानून व्यवस्था के दईहा के मईहा मता दिस।पांच साल के लबरा, दोबला, सरकार छत्तीसगढ़िया मन बर कोई करू करेला ले कम नई हे। प्रदेश अध्यक्ष अरुण साव, पूर्व मुखमंत्री डॉ. रमन सिंह और जम्मो राष्ट्रीय स्तर के बड़े नेता मन कांग्रेस ल बनेच घेरिस (Chhattisgarhi election article) कोई किहिस कर्ज में डूबा दिस, त कोई कढ़ी (कछिला) करे के आरोप लगइस।
कांग्रेसिया मन घलो प्रचार प्रसार में खूब अक्रामक दिखिस अऊ भाजपा के 15 बछर ल छत्तीसगढ़िया मन बर करिया बादर असन बतईस। मुखमंतरी भूपेश बघेल, राहुल गांधी, प्रियंका गांधी, मल्लिकार्जुन खड़गे असन बड़े नेता मन भाजपा ल खूब घेरीस। कांग्रेस ह किहीस 15 बछर तक भाजपा ह जनता के आंखी म धुर्रा झोंकिस। छत्तीसगढ़ के जनता तरुआ ठठईस अऊ जब तरुआ ठनकिस त 15 सीट म सिमटा दिस। चुनाव आते ही एमन फेर मीठ लबरा बन के घुमत हे अईसन दोबला मन के दाढ़ा झर्राये के बारी आगे। कांग्रेस ह जनता ले अपील करिस (Chhattisgarhi election article) कि चटकुन के उधार अवश्य चुकाहु बीजेपी ला सत्ता ले दूर भगाहू।
सर्वे मन के हिसाब से दुन्नो पार्टी म एक घांव अयु कांटा के टक्कर दिखत हे। (Chhattisgarhi election article) कांग्रेस पार्टी ह जहां भूपेश हे त भरोसा हे कीहिस त बीजेपी ह अऊ नि सहिबो, बदल के रहीबो के नारा के साथ चुनाव लडिस फिलहाल परिणाम आए तक गली शहर में सुन्ना मचे हे एक ठन ठेटका घलो नि खुरखुरात हे। 3 दिसंबर के काकर किस्मत फटही अऊ काकर चमकही ए त बेरा ही बताहि…
छत्तीसगढ़ विधानसभा चुनाव में महिलाओं ने किया पुरुषों से ज्यादा मतदान